Ayera Aruba henter a celebra Dia di Betico. Riba e fecha aki nos tur ta recorda e sacrificio, lucha y logro di Betico Croes, kende a lucha incansablemente pa obtene nos Status Aparte. Sinembargo, tabatin algun partido politico, cu segun parlamentario di fraccion di MEP, Setty Christiaans-Yarzagaray, a señala na cu Aruba ya no tin autonomia mas desde cu a firma pa landspakket y COHO.
Aki sigur e parlamentario a referi na algun ponencia expresa pa oposicion den cual nan a cuestiona ta cua libertad gobierno ta pretende di celebra si enberdad ta for di masha tempo pueblo henter no por gosa di esaki mas.
Yarzagaray a probecha e momento pa rectifica esaki y splica kico e como parlamentario di Aruba ta opina di e situacion aki. Asina e parlamentario a splica cu segun su memoria, na e momento cu Aruba a perde ‘budgetrecht’ ta na e momento cu a firma un ‘witte donderdagakkoord’, den cual a indica caba cu no tabatin un bon maneho financiero y cu Hulanda lo interveni. Cu esaki, a introduci CAFT na 2015, pues tempo cu gabinete Eman II tabata na mando.
Tambe e parlamentario a splica cu locual a sosode dialuna anochi na Djispies no tin nada di haber cu e principio di Betico y asina tambe, no tin nada di haber cu brinda respet y honor na un acto protocolario.
Pa un relato mas amplio lesa edicion di TREMPAN mañan.
