Segun resumen di awe 13 persona a recupera y un total di 70 caso nobo di COVID-19 a keda registra cual seis ta turista y 64 ta residente. E cifranan aki ta representa un ‘Positivity rate’ bou di nos residentenan di 28%. Cantidad di casonan activo di COVID-19 pa awe ta 546 y cantidad di fayecidonan relaciona cu COVID-19 ta 111.
E datos ta ilustra subida continuo di casonan nobo cu un average semanal di 60 caso pa dia un average di ‘positivity rate’ semanal di 27% pa dia.
Hospital tin 18 persona interna di cual 5 ta den ICU y 13 riba piso general. Datos di hospital ta ilustra cu di esnan ingresa den hospital cu COVID 88% no tin ningun vacuna y solamente 12% tin sea 1 of 2 vacuna.
