SETAR ta duna 3 GB EXTRA di LTE Data pa Carnaval 65

Como sponsor principal di Aruba su Carnaval, SETAR ta lansa un promocion nobo unda tur cliente Postpaid y Hybrid lo ricibi 3 GB di LTE Data adicional GRATIS riba nan pakete existente. E clientenan aki lo ricibi 3 GB di LTE Data adicional entrante awe dia 8 di februari 2019, sin gasto adicional. Asina SETAR kier stimula un y tur pa comparti potret y video di nan experiencianan den e evenemento cultural di mas grandi riba nos isla.

Banda di e extra 3 GB di LTE Data GRATIS, SETAR ta sigui cu su promocion riba Data Prepaid unda cu cliente cu cumpra su Prepaid Data bundel ta ricibi automaticamente ‘unlimited’ WhatsApp, Facebook, Instagram, Snapchat y Pinterest. E ‘unlimited freebies’ di social media aki ta valido pa tur Prepaid Data bundel di 1 dia, 7 dia y 30 dia. SETAR alavez  kier a recorda tur su clientenan Prepaid cu nan por cumpra Data facil door di yama *123# of via e SETAR App. 

SETAR pa mas di 15 aña caba ta e sponsor principal di e Carnaval di Aruba y ta hopi orguyoso di por ofrece e pueblo di Aruba e fiesta cultural mas grandi riba nos isla. Den e simannan nos dilanti por spera hopi mas sorpresa di SETAR. Keda pendiente pa locual ta nos paradanan di Carnaval unda cu SETAR lo ta presente manera semper den grandi, repartiendo petchinan, gadgets y T-Shirt di Carnaval.

Sigui nos riba SETAR su Facebook unda por ricibi e ultimo noticianan y  promocionnan. Follow SETAR riba Instagram na e festival di Caiso & Soca Monarch pa haña tur informacion, presentacion y entrevistanan cu e artistanan na e festival.

Cu e extra 3 GB di LTE Data pa tur pakete di Postpaid y Hybrid y cu e ‘unlimited social media’ pa tur Prepaid Data bundel, SETAR kier sigui mehora e experiencia di su clientenan. Cu esaki SETAR ta duna su clientenan e oportunidad di sigui disfruta di Internet na speed di LTE. 

Comments

comments