For di den oranan di atardi servicio di GSM, yamadanan di celular pa cellular of telefon fiho di SETAR tabatin problema. E unico forma di comunicacion posibel ta via di internet di cas of oficina sea WIFI si encaso bo CableNet of FiberNet no a cay. Varios caminda tur servicio a cay completo, pues yamadanan di telefon fiho pa fiho no tabata traha optimal of por completo. Cable TV Digital tabata for di aire. CableNet no tabatin conectividad.
No por a ni yama SETAR via celullar ni tampoco telefon fiho pa haya sa kico ta pasando. Na edificio principal di SETAR na Seroe Blanco hasta e sistema di swipe “badge” pa trahadonan por a drenta edificio pa un rato no tabata traha y algun a keda para pafor ta warda colega of siguridad bin habri porta pa nan. 24ora.com tabata presenta na SETAR Seroe Blanco pa busca contacto cu vocero di SETAR pero e no tabata por a bisa kico a bay robes cu nan sistema y a prefera di no duna comentario.
Comercio tambe a keda afecta ora cu no por a swipe carchi banco si e sitema ta conecta riba e netwerk di SETAR, sea via e red mobil of fiho. Algo prome cu 4:30 PM, algun cliente a cuminsa haya servicio bek, aunke leu di ta e servicio optimal pues na lugar di LTE tabatin conectividad riba e red di EDGE of 3G y e servicio di CableNet tabat laga di desea.
