Durante di e SETAR Business Event, tabata tin un orador Byron Reese, kende ta un high-tech trailblazer, autor, inventor, entrepeneur y optimista eterno. El a enfoca con un compania Arubiano por competi contra companianan stranhero, manera Amazon.
El a bin cu tres punto. Un di nan ta pa aplica mas tecnologia. E di dos cos ta pa enfoca riba relacion cu e companianan grandi aki no tin. Esta relacion cu hende. Na final, ta esey ta loke hende kier. Nan kier un relacion cu otro sernan humano y pensa riba bo negoshi, manera cu ta wordo maneha door di relacion.
E ultimo parti ta e historia di e producto cu un hende ta uza. Di unda e ta bin, con e por wordo uza, ta cosnan cu companianan manera Amazon no por brinda.
Hende ta haci negoshi cu nan pasobra nan ta eficiente. Pero e triki ta pa tin un compania cu hende gusta y ningun compania grandi no por mete entre abo (e negoshi chikito) y bo fanaticonan.
Di un otro banda, Roland Croes, director di SETAR ta comenta cu Telecom por lo general a wordo gehit duro. 386 biyon di dollar a bay perdi den negoshi mundialmente. Companianan a bay atras di 2 pa 10%. Tur door di companianan manera WhatsApp cu ta e mesun Facebook ta doño. Compania manera Skype, su doño ta Microsoft. Netflix a mata e otro parti di cable. Con por sobrevivi den esey. Tin cu transforma y haci otro cos. Unico cos cu tin cu haci ta duna un servicio one to one. Pero cambia e experiencia den e tiendanan.
Tin cu purba di pensa kico e cliente por haya di balor, y esey ta dun’e. Mester ta un tiki casi paranoid. Nunca mester bay na defensa. Mester ta den atake. Cu esey kiermen pa wak kico e cliente tin mester y dun’e esey. Tin cu purba pensa loke cu mester na final, ta duna e cliente balor. No lubida nunca cu bo hende ta importante tambe.
SETAR no ta competi riba prijs, sino riba cosnan cu e por garantisa manera calidad, purba mas pronto posibel duna lo ultimo den tecnologia. Importante den esey tambe ta, cu e cliente mester spera cu loke cu SETAR bisa, lo deliver’e den tur manera.
Por ehempel a hera cu a ofrece algo cu e no por deliver. Pero lo inverti pa por deliver. Tipo di cosnan ey ta haci. E forma di pensa ey, duna bo hende hobennan trabao. Trahado ta importante. Croes so no por haci e trabao su so. Tin diferente proyecto ta andando y tur ta aparte y tur trahado ta empowered pa hacie.
E actividad aki, e team di mercadeo a haci esaki. Nan ta presenta e idea y nan tin un presupuesto cu nan tin cu tene nan mes na dje. E team ta hopi orguyoso di haci’e tambe. Asina ta duna e hobennan tur oportunidad cu retonan grandi y dificil y laga nan haci’e. Tur ora nan a sorprende tur hende. Ta un manera pa traha den e compania, pa motiva nan.
Innovacion
SETAR tin metanan poni. A anuncia cu nan lo tin e 5G y tambe algun upgrade riba cable. Segun Croes, e aña aki a bin cu un totalmente un otro manera pa haci cable. Pero esey lo wordo anuncia despues. Lo bay tin speed mas halto. Evolucion pa 5G e aña aki lo tuma luga.
Awor aki nan ta bezig cu un 360 customer view, pa asina e cliente por mira loke tin y haya e pakete cu e kier. Lo bay traha tambe rib e kiosco di Clarita. Companianan cu kier tiendanan paden, si nan kier bay den nan tienda y paga pe, nan por haci’e un kiosco di selfservice. Lo bay haci’e cu algun compania. SETAR a desaroye, awo ta expande e tipo di servicionan aki. Cosnan nobo cu lo bay haci tambe como compania, Croes comenta
