Aruba Hotel & Tourism Association (AHATA) conhuntamente cu Aruba Tourism Authorithy (A.T.A.) a organisa un sesion informativo pa Miembronan Aliado di AHATA cu tin tienda den Oranjestad.
Ehecutivonan di A.T.A. a presenta infomacion valioso, entre otro; statisticanan importante di industria di turismo, data di cuanto y riba kico turista ta gasta na nos isla, diferencianan demografico cu ta afecta nivel di compra, y cifranan di pasahero di crucero. Tambe a presenta e diferente iniciativanan pa desaroya loke Aruba tin di ofrece na bishitantenan, y con A.T.A. ta incorpora “shopping” den e mensahe di mercadeo.
E sesion informativo a ofrese un miho comprondemento na e comerciantenan di Oranjestad, cu ta miembro di AHATA, tocante e tipo di compras cu diferente categoria di turista ta hasi. Consecuentemente, nan por adapta nan strategia na e conocemento. Ademas A.T.A. tabatin oportunitidad pa ricibi feedback valioso di esnan cu ta bende directamente na turista.
AHATA ta gradici hotel anfritrion Divi Tamarijn All Inclusive y A.T.A. pa e sesion productivo. 
