Servicio Social Psikiatrico brindando servicio adapta

Relaciona cu e crisis di COVID-19, e servicio Social Psikiatrico di Departamento di Salud Publico Aruba (DVG) ta anuncia cambio temporario den nan maneho diario. E seccion ta adapta nan servicionan na publico y pashentnan psikiatrico.

A opta pa cera e edificio na Santa Cruz temporalmente. Via telefon of video call, profesionalnan di SPD, manera entre otro trahado social, nurse, psicologo of psikiatra, por tuma contacto cu mayornan y hobennan cu ta resorta bou di e servicio.

Na Oranjestad lo brinda servicio temporario via cita. Tur pashent cu tin custumber di bishita nan oficina pa busca remedi por yama of lo wordo yama pa SPD pa haci un cita. Pashentnan cu ta ricibi remedi na cas door di nursenan di SPD lo sigui ricibi esaki. Pa traha un cita por yama 5224249.

Pa asistencia den momento di crisis, den dia of pafo di orario di oficina, por bel 5224343.