Ta importante pa pais Aruba y tur otro pais, ta beneficia di servicio di inteligencia. No solamente pa proteha bo hendenan pero tin un responsabilidad tambe como pais, cu ta forma parti di un sistema internacional, un sistema democratico internacional, caminda cu bo ta duna bo contribui na otro servicionan, si tin un risico cu ta sali of pasa via di bo pais, pa yega nan teritorio, bo tambe tin e cooperacion den esey. Di otro banda tambe, na momento cu ta pidi of ta solicita sea informacion of ta solicita pa busca informacion over di cierto figuranan, bo ta coopera den esey, pasobra esey ta e obligacion cu bo tin como parti di e sistema democratico internacional.
Esey ta haci cu confiansa ta crece y ta haci cu bo mes ta bira mas safe y cu bo ta haya informacion tambe pa bo por proteha y mitiga y preveni risiconan cu nos ta bibando cune tur dia. Mundo a cambia dramaticamente den e ultimo añanan. Ta hopi mas facil pa informa y netwerk cu otro. Ta nifica tambe cu e criminalnan tambe ta haya formanan mas facil pa nan por netwerk cu otro. Ta nifica cu nos cada bes di nobo mester haci inversionnan nobo y ta un step dilanti di criminalnan.
Aruba ta beneficia
Algun di e problemanan ta cu ora cu algo bay fout, e momento e ta sali den tur noticia. Tur loke ta wordo preveni diariamente pa tur e servicionan, nacional y internacional, no ta noticia, e no ta mal noticia. Ora cu algo bay fout, tur hende ta papia, pero no ta reconoce. Minister Dowers a duna un palabra di reconocemento na esnan presente na e clausura. Mayoria di nan por drumi anochi trankil pasobra cu sa cu nan ta eyfo ta haci loke nan mester haci. Tin momento cu a keda lanta hopi largo. Ta hustamente pasobra nan ta acumula informacion ta yega momentonan pa bin hunto, preveni pa cierto cosnan bay for di man. El a pais na pais Aruba tambe, pero no ta papia riba nan tur dia. Pero hecho ta si, cu danki na e servicio aki nos por biba trankil riba e mundo aki.
