Awe diasabra, 5 di Januari, ta e dia di e prome actividad di carnaval cu ta bay atrae miles di hende riba ruta y canto di caminda.
Naturalmente lo bay tin hopi bailamento, bebemento tambe. Naturalmente tur hende mester bay cu trankilidad pa tur cos caba nechi. 8’or e ta cuminsa, pero semper y cuando tin diferente grupo cu ta envolvi pa garantisa tambe cu tur cos ta cana nechi y cu tur hende ta wordo cuida.
Paramediconan di ambulance, tambe lo bay tey presente den e actividad grandi manera esun di Fakkel. Un parada cu a sa di crece, cu 15 mil hende den e ruta di carnaval so.
Liberato Hoek, ta hefe di e departamento di ambulance y el a splica con prepara nan ta pa awe nochi, caminda ta bay trece sigur riba 20 mil pa 30 mil hende riba e ruta y canto di e ruto pa un actividad asina grandi.
El a splica cu for di aña pasa a cuminsa prepara pa e prome actividad cual ta e fakkel. Manera tur hende sa, tin ambulance riba e ruta y tambe pafo di e ruta tambe lo tin. Diferencia e biaha aki cu e lo bay ta hopi mas grandi, compara cu e otro añanan, cos cu antes no tabata asina.
Esey pa servicio di ambulance, ta bay trece un risico tiki halto, den e sentido cu tin hopi hende.
Lo bay tin hopi hende riba caminda, sin conta e mironesnan cu ta bin mira e actividad. Loke ta pidi si ta pa e hendenan laga cierto crusadanan habri pa ambulance, pasobra esey ta e unico manera pa yega riba e ruta.
Por ehempel tin e crusada di George Madurostraat y Vondellaan, na e rotonde na Las Americas. E parti p’azuid, cu ta core bay ariba direccion aeropuerto. Banco di Caribe, e caminda cu ta bay abao pa Elmar. Adriaan Lacle Blvd, crusando cu LG Smith Boulevard. Asina ta keda mas abao. Banda di Fort Zoutman, y banda di Royal Plaza. Lagando e crusadanan habri ta duna acceso na e ruta.
Berdad tin un biketeam cu por drenta den e ruta. Pero di un otro banda tin cama y material pa move cun’e.
Ambulance awo ta destina solamente pa fakkel. Tin tambe Rode Kruis cu 40 voluntario cu lo cubri full e ruta na pia.
E servicio p’afo di ruta tambe ta keda on. Lo tin 3 ambulance disponibel. Pa loke ta rond di e parada, nan ta bay un ora extra ora esaki caba. Na momento cu parada caba, e ora e problemanan mas grandi ta cuminsa, segun Hoek.
Ademas di laga ruta habri, tin mas dolor di cabes. Liberato Hoek a comenta cu loke ta mas principal, cu no ta duna espacio pa personal di ambulance pa haci nan trabao profesionalmente. Hopi biaha bo ta haya hopi mirones cu ta bin strobe. Loke ta pasa cu nan lo tin cu schakkel in polis pa por haci nan trabao bon.
Hopi biaha, vooral e hendenan aki, ta bao di influencia di alcohol, cu ta bin stroba e paramediconan nan trabao.
All in all, personal di ambulance ta cla, tanto pafo como paden di e ruta. Semper nan ta prepara. Ta manda bisa tur hende, pa disfruta di e parada sanamente. Fakkel ta e prome parada, pero ta e parada cu mas asistencia cu servicio di ambulance ta duna.
