Fin di luna a yega y contratistanan trahando pa Serlimar a haya di tende cu no tin placa. Sra. Wever di Serlimar a contesta preguntanan di prensa awe, den cual el a admiti cu esaki ta sosodiendo y cu e ta pasa pasobra Gobierno no a aloca e fondonan necesario. Banco tur luna ta coopera pero awor a dicidi cu no por mas y asina no por a paga nan debenan. Ta sperando placa drenta e siman aki ainda pa por cuminsa paga nan debenan, specialmente e contratistanan. Serlimar ta pidi 23 miyon pa aña pa cubri nan gastonan pero ta haya 16 miyon, pues 7 miyon menos. E contratistanan sinembargo ta lamenta cu nan a traha henter luna y awo net riba nan ta corta, strobando pa nan cumpli cu nan trahadonan y demas gastonan. Un otro punto tambe ta cu di e 35 mil casnan na Aruba, ni 10% ta pagando pa piki sushi, cu tambe ta stroba e compania di yega na fondonan necesario.

Comments

comments