Awor aki ta firmando cierto contratonan. Victor Robert ta e director interino di Serlimar y e ta conta kico a pasa precisamente y e necesidad pa esaki.
Serlimar ta firmando contratonan cu ta casi vence y ta yamando tur esnan cu tin contract pa bin pa firma e contract nobo. Esey tin un duracion di 5 aña y pa duna nan mas siguridad tambe ora cu ta bay banco, nan por fia placa.
Cuanto
Awor aki tin 57 persona cu ta wordo firma. Esakinan ta esun cu ta haci e luganan limpi rond di Aruba. Locual cu tabata tin antes caba, esey ta bay sigui.
Importancia di nan tarea
Robert a splica cu si e compara cu e gruponan aki cu esun cu nan tabata tin antes, antes tabata haci un miho trabao. Pueblo mes ta wak’e y ta bisa dicon e nivel di e trabao a bira menos. Antes bo por mira unda Serlimar a haci limpi. Awor aki no mas.
Control
Tin opzichter cu ta haci control. Pero cu esey tambe ta bay sinta cu nan, pa repasa e reglanan un biaha mas.
Reglanan di Serlimar
E reglanan ta pa yega na ora, haci bo trabao y tene e luga limpi. Ta cosnan facil. Haci e luga limpi, corta mata, etc. Ta eseynan nan ta haci.
Orario
Normalmente e hendenan aki ta cuminsa pa 7’or di mainta pa 1’or y mey pa 2’or y mey di merdia ta bay cas. Den e solo aki, no ta wanta 8 ora.
Movecion
E hendenan aki tin tur nan auto. No auto so, pero herment tambe.
E sistema di trabao mester bin cambia bek atrobe, Robert a bisa. Pasobra cu chapi nan ta tarda hopi mas pa nan bin bek. Si bo corta cu mashin, kisas dos pa tres siman, tin cu bin bek atrobe. Pesey kier haci e cos mas eficiente y pa pueblo por gosa di unda nan a haci limpi, por lo menos di dos pa tres luna.
Control na dump
Via e slipnan, ta controla cuanto kilo e trahadonan aki a deposita na landfill, cual ta dump na Parkietenbos. Tambe ta depende ki mata e hendenan aki a corta. No ta tur mata tin e mesun peso. Si coy por ehempel un pida kwihi, tin basta peso.
Delinea trabao
Serlimar ta delinea e trabao. Via e opzichternan, ta duna e trabao kico tin cu wordo haci, cua ta e luganan cu nan mester bay haci e momento ey. Si ta urgente anto. Normalmente nan tin un schedule, ta caba cu esaki, ta bay un otro luga cu tin destina na e persona.
DOW
DOW tambe tin un grupo. Segun Robert, p’e ta e mesun grupo aki. Pasobra nan ta haci e trabao identicamente. Pero ta dos grupo separa si.
Servicio
E mesun hende cu ta firma contract, ta duna e servicio. No por tin un contract asina aki y ta laga otro hende traha. Ta prefera e doño di curpa haci e trabao, pasobra e ora tin mas control e ora riba e trahadonan. Al fin y al cabo, esun cu ta responsabel ta esun cu tin e contract.