Ser’i Teishi keto bay un caminda di misterio

3024

Un rato pasa alrededor di 4:35 pm a sosode un accidente un biaha mas riba Green Corridor. Hopi ta esunnan cu por conta un of otro storia relaciona cu e caminda di Ser’i Teishi.

Awe no ta diferente, net un poco parib’i rotonde Ser’i Teishi ta sosode un accidente misterioso. Aki ta caminda cu un auto marca Toyota modelo Yaris, numera A-62438 a perde control y bay kentel. 

Tres testigo a duna nan version di locual nan a mira cu a pasa. Segun a compronde, e chauffeur a haci un maniobra straño su so cu su so y a dal den e sero di santo cu ta parti e caminda pa djey bay kentel. 

Auto a bolter direccion rotonde di Ser’i Teishi

Auto a bolter direccion rotonde di Ser’i Teishi. Click link pa mas https://24ora.news/3sjGoso

Posted by 24ora on Monday, February 22, 2021

Polis y ambulance a presenta na sitio pa atende cu e accidente y tambe e victimanan. Dos persona a resulta levemente herida. E chauffeur como tambe un menor. Tur dos afortunadamente a sali ta cana, hopi spanta naturalmente pero sin nada di gravedad y subi ambulance pa asistencia.