Sergio Peña ta un persona cu nan a considera como sospechoso den un caso di un atraco y awo e ta un homber liber.

E ta conta cu por ta nan lo a señala hende robes of por ta door di rabia nan a punta dede riba dje. Atraco team a bin algun dia pasa su cas y a hib’e warda. Asina mes, segun Peña, nan a trat’e bon. E ta conta cu e tabata sospechoso di ta un chauffeur di un atraco cu a sosode riba un supermercado, pero e mes no sa unda e ta keda.

Sospechoso di atraco deteni na Sero Patrishi ta liber atrobe

Posted by 24ora on Sunday, October 6, 2019

Ta un caso cu a sosode dia 21 di maart, 2018. Peña ta para riba cu e no tin nada di haber cu e caso aki.

10 dia cera

Apesar cu el a keda 10 dia cera, nan a trat’e bon. Sinembargo e luga tabata un tiki a-higienico, pero e no por keha. Pero, awo e ta un homber liber. Asina mes e ta sinti su mes como un criminal. Pasobra si mester busca un trabao bo no por haya. Ta pa e motibo aki mes e kier a pone tur cos cla, cu e no tin nada di haber cu e caso aki.

Segun polis, un persona a señal’e riba potret, pero e no sa su nomber. Por ta esun cu a yuda e criminalnan tabata parce, pero ta algo cu Peña no por bisa. Un biaha so nan a interog’e y despues di esey a lag’e liber, despues di a sinta 10 dia na warda.

Conoci di husticia

Sergio Peña ta un conoci di husticia, ta un homber tiki mal mucha, pero e no ta envolvi den tipo di cosnan asina. E por haci fastioso cu auto, etc. y polis sa ken y con e ta. E ta traha y tin tur su payslipnan di e tempo cu e atraco a pasa. El a pidi su abogado pa tur esey y door di esey a sak’e liber di biaha, door cu e no tin nada di haber cu e cosnan ey.

Mensahe

Un conseho. Busca un trabao, traha. Ta e miho cos pa haci, no tin nodo di horta. Aruba no ta pasando den duro manera Venezuela. Ta di supone cu nos no mester haci e cosnan aki. E ta liber di pica, p’esey e ta duna su declaracion, pa e por busca trabao. Si un hende ta sospecha di comete atraco, e no por haya trabao.

Comments

comments