Seroe Biento Boys pronto ta bay tin tres dia di celebracion, cual ta riba 7,8 y 9 di October 2022. Diaranson 5 di october nan ta inicia cu inscripcion pa participa den e 2nd Rowley Memorial Ride 2022.
Riba diabierna 7 di october nan lo tin Ride 4 Fun y lo sali for di Dobble Down Sportbar y termina na Goza Bar. Djey riba diasabra 8 di october, nan lo ‘meet & greet’ cu lo tuma luga na Jo ann Bar & Restaurant na Mahuma caminda Zeta Band pa presenta.
Diadomingo 9 di october ta tuma luga e 2nd Rowley Memorial Ride cu lo sali for di Italo Arubano pa 11:00 am, lo core mayoria ruta rond di Aruba. For di 9:30 am tur participante tin e oportunidad pa pasa tuma y come nan breakfast. Pa 5:00 pm lo ta final di ride unda lo caba na Jo ann Bar & Restaurant. Durante di e ride lo bay tin tres stop unda na dos di nan nos lo haci wega y gana bunita premio.
