SEPPA: Trahadonan di SABA kier sa unda nan placa a bay

Na SABA nan ta preocupa encuento un suma cu for di gobernacion anterior no a keda cla cun’e y cu aparentemente gobierno actual a pone mey miyon, etc. pero e trahadonan no ta mira e cen.

SEPPA: Trahadonan di SABA kier sa unda nan placa a bay

SEPPA: Trahadonan di SABA kier sa unda nan placa a bay

Posted by 24ora on Friday, February 15, 2019

Magali Brito, Secretaria General di SEPPA a splica cu esaki ta un trayecto di añanan largo, discusionnan cu cierto momento e minister e tempo ey, Marisol Lopez-Tromp a instrui un comision, hunto cu departamento di asuntonan social. SEPPA, como tambe e tempo ey DPO, cual awendia ta DRH, unda cu lo mester a papia riba e discrepancia di salario of con un grupo di trahado lo mester a cana di acuerdo cu e rangenstelsel y esey nunca a sosode.

E tempo ey tabata tin cambio di salario cu mester a tuma luga. Ta indica e trahadonan tambe cu nan lo haya un cambio di salario, pero, den cuadro di esaki, por bisa cu e suma di placa mester a bin di gobierno, cu ta subsidia salario di e trahadonan.

E placa ey por bisa, for di hopi aña ta bin riba mesa y ultimo eynan berdad minister Schwengle ta informa tanto SEPPA como sindicato ABV, cu e lo bay over na paga e trahadonan e suma disponibel aki.

Na SABA awor aki tin dos sindicato, esta ABV y SEPPA cu ta representa e trahadonan. E ora e informacion ta yega n a SEPPA cu e suma di placa a wordo poni disponibel pa e fundacion. Pero entre fundacion cu gobierno lo tin un discusion riba kico e placa aki lo ta encera.

Pa e fundacion tin di compronde cu pa nan, gobierno tabata debe nan placa y esaki ta parti di e placa cu gobierno debe nan como fundacion riba otro asuntonan cu a keda pendiente.

Pero di un otro banda gobierno ta bisa cu esaki ta un placa pa paga e trahadonan. E tema aki tin basta tempo andando. For di gobierno a haya e informacion tambe cu si e hendenan kier sa unda e placa aki a bay. Di parti di SEPPA a wordo acerca pa un grupo di trahado pa inicia un caso pa e pago aki tuma luga.

Esaki ta e preocupacion grandi cu tin bao di un grupo di trahado, pa motibo cu nan tin hopi aña sperando. Mientras cu tin algun hende a bin ta ricibiendo e pago, e di dos grupo aki a keda stanca. E grupo aki SEPPA ta dispuesto pa sigui cana e caminda pa asina nan haya nan placa. Esaki ya no ta un cuestion di si nan tin derecho si of no. Esaki a keda estableci, no mas e placa mester wordo poni disponibel y ohala cu e gobierno actual por bisa cu ta pon’e y bay den discusion cu e fundacion,  kico ta e problema entre nan pa e trahadonan di SABA no sigui wordo perhudica.

Duracion

Esaki por dura, pero ta depene na e partidonan. Segun Brito, ohala cu mas tarda den seis luna por papia di un asunto cu ta keda resolvi. Si mester cana su caminda via corte, esey lo bay tuma su tempo. Ta tuma pa sinta na mesa pa wak unda realmente e problema ta y unda tin disponibilidad pa paga e trahadonan, pa nan no sigui ta perhudica den un proceso cu na final, te awor aki ta mustra cu a bay malo den dje.

Mey miyon

Ta bisa cu e gobierno actual a pone mey miyon disponibel. Di esaki sigur, Brito no por bisa di dje. Ta bisa si cu ta confirma cu e gobierno anterior a pone e placa. E ora eynan cu e placa ta na SABA y ta SABA tin cu pag’e. Ta un problema fastioso. Ta keda nan dos pa clarifica kico ta nan diferencia di opinion di e suma di placa aki. Esun cu a comete eror, coregi su eror y paga e trahadonan manera mester ta.