Discurso yen di mentira: atrobe ¡!
Cu si tabatin reunion SI of NO na Cas di Partido, esey NO ta nos asunto y cu e Minister ta sigur cu organizadornan a reuni cu prominentenan di e Partido Berde. Lo ta bon pa Minister Lampe bisa ta kende y na unda. SEPPA ta RETA e minister pa bin cu prueba !! Y no ta prome biaha cu SEPPA ta reta gobernantenan cu ta bin cu e ‘slogan’ nan aki politico pa bin cu prueba !!! Te dia di awe y keda busca tambe.
Pa informacion di ministro, y pa mustra con bruha e ta, SEPPA ta informe cu loke si a pasa ta cu prome cu e manifiesto SEPPA y SIMAR a sinta elabora tur e puntonan cu a wordo treci den reunionnan, pone den e manifiesto y di eynan a yega pabao !!!. Pa e motibo ey e reunion cu e a pidi no a bai door !!. SEPPA sa kiko e a hasi ora e ‘rumornan’ tabata circula y si despues e Ministro a wordo sentencia pa actonan cu e a comete, e tin cu para pa loke e ta hasi.
Minister di Enseñanza conoci pa bira ‘palabra’ y SEPPA ta sigi e mandato di su miembronan !
SEPPA a atende diferente Independizacion di departamentonan. Den tur SEPPA a hiba discusionnan sano, habri y yega na acuerdonan. Nos a pasa den e situacionnan aki cu tur gobierno di cua asignatura cu e por ta. Na final ta laga e decision final tambe na e trahadornan, kiko nan ta desea ! Esaki semper a bai di e forma aki !!!. Tin hende ta bai over den e organisacion nobo y tin cu no ta bai over. Esaki ta normal.
Independizacion di DPS.
Den e caso di Independizacion di DPS, e prome reaccionnan cual despues di diferente encuentro a keda como e unico mensahe na SEPPA tabata bon cla: Si e Minister kier bai e direccion aki mes, esnan den enseñansa no ta interesa pa bai su tras.!!
Mescos cu SEPPA a tene encuentronan cu su miembronan. Tin diferente scolnan apart of hunto cu otro skolnan a tene nan mesun encuentronan. Esakinan organiza pa e propio docentenan, pa scucha Minister Lampe, pa wordo scucha pa nos Parlamentarionan y e mensahe tabata cla y raspa, NO ta bai over den e Stichting di Minister Lampe. Abase di esaki tambe docentenan a entrega tambe nan posicion na Parlamento di Aruba. SEPPA tur momento a sa di scucha e miembronan, a laga e miembronan dicidi kiko nan kier y e mensahe aki a wordo manda te cu despues e decision a cay cu ta pone e asunto di stichting “on hold”.
E mesun peticion cu den e Openbare Bijeenkomst na Parlamento ultimo cu e mayoria di esnan presente a hasi na Minister di Enseñanza enrelacion cu SPO y Traimerdia !!! Pone tur cos ‘on hold’.
Palabranan cu despues ta parce cu e mesun Minister di Enseñansa no ta compronde, segun su declaracion den un entrevista, paso mester splike den placa chikito, via carta sino e no por pone nada ‘on hold’.
“Dialogo” cu partnernan social !!
Loke tabata importante den e casi 20 aña di gobernacion na Aruba ta e necesidad di dialogo. E gobiernonan den e añanan aki a para pa e pensamento di Dialogo na mesa pa yega na solucionnan, e buskeda di consensus pa resolve diferencianan di opinión, Transpariencia, Respet pa Sindicalismo, etc..
Claramente akinan tin un diferencia grandisimo di mentalidad. Un minister cu ta kere paso e ta minister e ta bin impone, ta kere cu “dialogo’ ta nifica cu esun ta bin scucha loke e otro kier y e otro tin cu keda keto.
Esaki ta e fayonan cu tin na e momentonan aki, e falta di dialogo !!
SEPPA ta forma parti como delegado fiho di e structura di “Dialogo Tripartita Social Laboral’ (DTSL). Y e forma aki di dialoga no ta loke tur esnan cu ta forma parti di e structura aki ta para pe. Y esey cu esaki ta un structura, reglamentonan y definicionnan cu Gobierno mes a propone !! Ta pa e motibo aki, SEPPA como miembro fiho den Congreso di Dialogo Tripartita Social Laboral a aserca Ministro di Labor y Asuntonan Social pa claridad di kiko ta awo??? E ta propaganda un Arbowet, y otro ministerio ta actua completamente contra di esaki??
Mas ainda mustrando e Ministro di Labor y Asuntonan Social cu hunto cu no tin respet pa e forma di dialoga na mesa, tambe tin skolnan manera SPO Brazil cu diferente ‘fayonan’ cual no ta cumpli cu e rekesitonan di seguridad, hygiena, bienestar, etc..pa un trahado. Pa e motibonan aki tambe cu SEPPA y nos a compronde cu SIMAR tambe a pidi e Ministro di Labor pa laga hasi un inspeccion. No por pretende di sigi pone docentenan traha den un situacion asina. Di akinan a bai e control tambe na SPO Brazil !!
Ministro kier papia di e tema di hisamento di edad di pensioen, BAN hasi esaki !. Y no solamente cosnan di pasado pero di awendia: Indexering di 2019 !
Si tanto e Ministro ta kere cu e edad di hisamento di edad di pensioen no tabata bon pa Pais Aruba, pakiko e no ta bin discuti esaki awo na mesa??? Nos lo por bai hasta drecha loke segun e tabata malo. SEPPA no tin niun problema cu esaki. Pa e berdad di e tema aki Sali y tur hende sa con grave e problema aki tabata y ta te ainda.
Mescos ta e tema di Indexering pa 2019, costo di bida cu ta dal tur nos miembronan. Esaki ta situacion di AWO, si e ministro kier hasi un bon di berdad, papia cla y hasie tambe!!
SEPPA ningun momento a pidi reunion cu Ministro di Enseñanza diahuebs 4 juli 2019 !!
SEPPA of e presidente di SEPPA a pidi reunion cu Sr.Ministro diahuebs mainta 11or??????? Esaki ta otro storia barata pa confundi trahador, of esnan cu no sa !!!! Sr.Ministro a pidi SIMAR pa un reunion y esaki apenas algun ora di e manifestacion. Loke claramente ta mustra e intencionnan su tras. SEPPA a mustra SIMAR riba e consecuencianan cu esaki por trece pa nan mes ya cu esnan cu ta lanza nan voz di desconfianza no ta bai compronde e reunion aki. Loke si SEPPA a puntra, kiko ta bai wordo trata y ora cu a tende SPO, Traimerdia y MDC. Increibel, apenas dos pa tres ora prome cu e manifestacion ta core jama. !!
Un cos e Ministro aki ta lubida, SEPPA ta:
- representa un grupo grandi di docente;
- representa hopi departamento cu ta cay bao di Enseñansa.
- atende asuntonan di enseñansa den unidad hunto cu SIMAR.
Pues, no bin traha storia si awo cu SEPPA of Presidente di SEPPA a pidi reunion ya cu ni reunionnan cu tabata pidi e Ministro di Enseñanza riba otro gruponan den enseñansa manera p.e. MDC, e minister no kier atende !!! Pues, di ki dialogo e ta papia akinan??
Ademas ta ki punto, SEPPA lo kier a trata cu e Minister di Enseñansa si ya caba Prome Ministro di Aruba, a duna e solucion pa cu Traimerdia, pa cual porcierto trahadornan a basha lagrimanan di alegria. ! Y tambe Prome Ministro di Aruba a informa SEPPA y SIMAR dilanti tur trahador di SPO cu e ‘fusering’ no ta bai door.! SPO Sta.Cruz ta keda Sta.Cruz y SPO Brazil ta keda Brazil. Y cu tambe lo atende e fayonan di SPO. Y trahadornan di MDC ta warda riba e resultado cu a ser teni cu Vice prome minister !!!
Ministro ta illustra su forma di ‘dialogo’ como hechonan???… Esakinan ta hechonan !!
– cu durante 1 aña y mei, e minister a bin ta masacra MDC. Hasta Parlamento a pasa un mocion pa reenforza e organisacion aki cu loke mester !!. A hasi lo contrario. No ta SEPPA so ta bisa, cada ken bai eynan y wak kiko ta pasando!
-cu durante cu docentenan tabata tene encuentronan y despues fiha posicion contra independizacion di DPS, e mesun Minister Lampe aki a tene encuentro na Biblioteca Nacional pa convence nan cu nada ta bai pasa cu nan !! E asunto di Stichting no ta conta pa nan, etc..
No a pasa ni un luna cu e trahadornan di Traimerdia a cuminsa haya problema. Esaki a bin ta durando 1 aña y mei !! Te cu ultimo aki manifestacionnan di malcontento y di desconfianza a cuminsa !!
– na januari ultimo ta yega na palabracion cu trahadornan di SPO y despues ultimo aki pa falta di cumplimento di palabra a haya nan mes ta lanta para y mustra malcontento !!.
– cu si di berdad tur cos tabata bon, e ta kere cu e mesun trahadornan aki ta lanta cada biaha decidido y constant pa busca solucion?. Kiermeen e hendenan cu no sa pensa pa nan mes???
Si berdad e minister di enseñansa ta sincero y ta kere den dialogo manera cu e ta bisa, e lo por a busca e caminda aki di paz, trece partidonan na mesa, dialoga habri di acuerdo cu e filosofia di ILO ! No manera cu e a wordo hasi, Sali afo bisa cu e trahadornan lo ta cobrando dimas, cu ta investigando, etc.. Como mandatario e ta liber pa hasie, pero prome cu papia, prome cu cosnan concreto no insinua !!
Otro HECHO importante: Docentenan y tur otro cu ta labora den Enseñansa por pensa y analisa pa nan mes !!
Ta tempo pa e ministro di enseñansa compronde, No ta SEPPA !! Ta su mes a crea e situacion aki !! Of acaso e ta pretende cu culpando SEPPA of Magaly Brito ta tapa wowo di esnan cu tur dia a biba cu su actitud ??
Na final, e Ministro di Enseñansa, Sr.Rudy Lampe por pinta SEPPA, Magaly Brito PRETO, BERDE, CORRA,GEEL, ORANJE, BLAUW y hasta BLANCO mes si e kier, nos ta custumbra cu esaki caba, disco raya, slogan anticua pero nada ta cambia di e hechonan menciona !!
Trahadornan den enseñasa no tin desconfianza den Gobierno, nan tin desconfiansa contra e Minister di Enseñansa.
