Sensei Gustavo Velasquez: 40 alumno a cambia di faha

Riba dianan 13 y 14 di juni un grupo grandi di miembronan di  Dojo GYOSEKI KAN KARATE DO a pasa nan examen pa cambio di faha.

E Instructornan durante e dos dianan aki a haci uzo di La Salle College y Centro di Bario Dakota pa e alumnonan pasa nan examen durante cual nan mester demostra di tin e  abilidadnan di ta cla pa pasa pa e siguiente faha. Un total di 40 miembro di 5 pa 18 aña a pasa e examen cu exito.

 

Sensei Gustavo Velasquez: 40 alumno a cambia di faha

Sensei Gustavo Velasquez: 40 alumno a cambia di faha. Click link pa mas https://24ora.tv/2KWTJUS

Posted by 24ora on Monday, June 17, 2019

Durante e examennan cada categoria mester por demostra cu nan ta domina e tecnica di e categoria en cuestion y tambe e parti di defensa. E candidatonan mester sa tambe cada movecion cu nan uza, kico e ta y pakico e movecion specifico ey ta wordo uza. No mester lubida cu karate ta defensivo enbes di ofensivo, ta uza e tecnicanan ora cu nan mester wordo uza. “Semper mi ta inculca den mi studiantenan cu karata ta humildad y disciplina, pa no bay plama riba caya nan conocemento di karate of blof cu esaki. Esey no ta karate. E deporte di karate ta disciplina,” Sensei Gustavo Velasquez  a bisa.

Comments

comments