Diahuebs mainta trempan den careda di 6 or, a sosode un accidente entre un auto y un peaton na altura di Tat Fat den Venezuelastraat. Un señora cu tabata cana banda di caminda y purbando di no trapa den plasnan di awa, a hala un tiki mas mey mey di caminda.
Net un chauffeur di e auto blanco bayendo su trabou no a mire y a pasa dale cu consecuencia cu e dama a keda herida. E prome unidad di polis cu a yega na e sitio a solicita ambulance mesora mirando e dolornan fuerte cu e señora latino tabata tin na su lomba. A tuma datos di e chauffeur y e dama a keda transporta pa eerste hulp.