Diadomingo den oranan di atardi a pidi presencia di Polis na un cas na Boegoeroei. A drenta informacion cu tin un problema y tambe tin destruccion cu a tuma luga. Na yegada di Polis a haya un señora cu tabata para dilanti di e cas. A mira algun hende mas tambe presente. Tabata tin tres auto dilanti di e cas entrenan e auto di e señora cu a papia cu Polis na nan yega.
Un Sportage color shinishi tambe tabata un di e autonan. Despues di atende cu e asistencia, Polis a bay over na detencion di e señora cu nan a topa cune na nan yegada. A pidi dogcatcher y asina a hiba e señora warda di Shaba pendiente investigacion. A detene pa destruccion di e Sportage. E backshield tabata kibra. Polisnan a habri e porta patras y vigila e glas di e auto. E señora a ser transporta geboei, Por a mira cu esaki no a bay facil. Ainda e kier a atende cu un hende na e cas prome cu Polis a bay cune. Polis a tene y hibe finalmente den e dogcatcher.
