Señora a regresa su cas na Meiveld herida

Diadomingo merdia polis a manda na un adres na Meiveld pa un señora cu aparentemente ta herida. No a splica di ki forma.

Prome informacion lo tawata cu e dama a sali bay cana y a yega bek herida y na sanger. Na yegada di patruya, e señora no por a declara ta con of na unda el a herida su mes. A resulta cu e señora posiblemente tin problema cu su memoria.

Pa su bienestar a pidi pa ambulance bin na e sitio y atende e señora herida. El a subi ambulance riba su mesun forsa pa tratamento mas avansa.