Señora a desmaya riba caya

7133

Un señora cu tabata cana den Sero Blanco a cay of desmaya riba caya. Prome informe cu a drenta na Polis tabata cu un homber a bringa cu un dama y a dale bente riba caminda. Polisnan a bay pura pero na yegada a haya un señora benta canto di caminda cu dolornan na curpa y principalmente cabes.

El a splica Polis cu el a bay for di tino. Parce e dia anterior caba el a sinti malo. Diaranson parce el a bay lama y a keda den solo. Canando pa cas el a haya e desmayo. Hendenan cu a pasa a para mesora nan auto y yama Polis pero tambe bin atende cu e señora. Ainda e tabata tin paña di lama bisti.

Ningun rato por a saca afo for di dje cu un hende a dale lage herida atras. Por a saca afo cu mas bien e curpa no ta bon. Polis a pidi pa ambulance. E hendenan presente a puntra si e ta na estado recien cual motibo e ta perde conocimento asina y haya mareo. E no a contestanan.

Polis femenino y esnan cu a pasa a keda papia cu e señora. Su suegra tambe a yega na e sitio y a atende cune sperando e ambulance.