“Semper Alegra”! Congreso di Testigonan di Jehova awor via Streaming

790

Den e bida aki, alegria ta algo cu ta parce dificil y hasta imposibel pa alcansa. Tin bes, hasta ora bo hay’e, e no ta dura masha. No obstante, e zomer aki, miyones di testigo di Jehova y nan invitadonan den mas o menos 240 pais rond mundo ta bay “asisti” na un congreso mundial cu e tema “Semper Alegra”!

Pa prome biaha den nan historia, testigonan di Jehova a dicidi di tene nan congreso anual via streaming. Tur congregacion, famia y invitado lo sigui e congreso na e manera aki den e lunanan di juli y augustus 2020. Normalmente, nan ta tene nan congresonan den stadion of arena deportivo, sala di conferencia of otro sitio mas chikito rond mundo.

Respet y amor

Testigonan a yega na e decision historico aki a base di dos principio cristian: respet pa bida como algo sagrado y amor pa prohimo. “Nos tin masha gana mes di topa otro personalmente, pero bida ta mucho precioso. Nos no por pone bida na peliger asina’ki. Nos tin cuater luna caba ta reuni via streaming y esey a laga nos tur mira cu no ta bay pa unda nos ta fisicamente, sino unda nos ta den sentido spiritual y den hopi sentido, awor, nos union como un famia spiritual ta mas fuerte cu nunca”, segun Robert Hendriks vocero di testigonan di Jehova.

“Semper Alegra”! Congreso di Testigonan di Jehova awor via Streaming

Posted by 24ora on Monday, July 13, 2020

“Nos adoracion ta draai rond di e amor cu cada un di nos tin pa nos Dios y pa otro, anto esey no ta depende di unda nos ta fisicamente. E congreso di e aña aki ta enfatisa nos union como un famia internacional y e alegria cu hende por disfruta di dje a pesar di e stress y desesperacion cu ta reina”, asina Hendriks a bisa.

E programa lo keda publica den seis pida: cada un cu un di e sesionnan di mainta of di atardi di e tres dianan normal di Congreso. Hopi congregacion y famia lo wak e prome sesion di Congreso den e fin di siman di 11-12 di juli. E ultimo weekend di e evento virtual aki ta programa pa 29-30 di augustus.

Pelicula di Nehemias

Un di e partinan principal di e congreso lo ta un pelicula basa riba Bijbel, tocante bida di Nehemias y con el a yuda e nacion di Israel den antiguedad siña adora Dios cu goso.

Un di e partinan mas anticipa di tur Congreso di Testigonan di Jehova ta e bautismo cu ta tuma luga ey mes, generalmente riba diasabra mainta. Na 2020, lo tin areglo haci localmente pa batisa tur candidato den un ambiente digno di e ocacion y na un manera safe. Lo stream e bautismo pa famia y amigo por wak. A highlight of the annual convention of Jehovah’s Witnesses is the live baptism that usually happens during the Saturday program. In 2020, local arrangements will be made to baptize all candidates in a dignified and safe environment, streaming it live to family friends.

Durante e congreso, lo trata algun tema manera: Cua ta algun factor cu ta yuda nos haya felicidad y no perd’e? Kico bo por haci pa por tin mas felicidad den bo famia? Con bo por alegra hasta ora bida ta duro?

JW.ORG

Ken cu tin gana di wak e congreso por tuma contacto cu nan congregacion local of busca e grabacion riba jw.org, bou di e tab “Biblioteca.” Un y tur por wak henter e congreso completamente gratis.

Tur aña, cantidad di hende cu no ta testigo di Jehova ta asisti na e congresonan anual. Actualmente, tin mas di 8,6 miyon testigo di Jehova activo rond mundo. Toch, na 2019, e asistencia maximo di e congresonan a pasa 14 miyon. Y awor cu e congreso ta disponibel online den centenar di diferente idioma, kisas esaki lo bira e congreso di testigonan di Jehova cu e asistencia di mas halto den historia.