Fundacion SIKI ta invita henter pueblo di Aruba pa forma parti di e prome seminario y debate riba e tema di siguridad y derecho di pashent. Esaki lo tuma luga riba diasabra 17 di september 2022 for di 3:00 pm te 6:00 pm na Cas di Cultura y lo ta completamente gratis.
Con safe remedi ta realmente? E pregunta aki a pone cu e Organisacion Mundial di Salud (World Health Organisation) a haci un yamada pa tur pais rond mundo conmemora 17 di september pa papia y traha riba siguridad di pashent. E tema e aña aki ta siguridad di medicamento (“medication safety”) pa motibo cu aunke ta haci hopi, ainda nos por haci mas pa mehora e siguridad y calidad di e cuido brinda na pashent.
Pa e motibo aki ta importante pa pueblo bin scucha kico tur e profesionalnan y instancianan di cuido ta haci pa siguridad di pashent y na unda mester sigui inverti. mr.dr. Jayburtt Dijkhoff lo duna un charla riba siguridad y derecho di pashent. Farmacista Dasha Dubero lo elabora riba e siguridad di medicamento. Maureen Kelly lo papia tocante e bos di un hunta di pashent. Despues lo bay tin un debate sumamente interesante riba e tema di e siguridad di medicamento y derecho di pashent.
Organisacionnan cu tambe lo participa durante e charla y debate ta: Vereniging van Apothekers op Aruba (VAA), Inspectie Volksgezondheid Aruba (IVA), dr. Horacio E. Oduber Hospital (HOH), Huisartsenvereniging Aruba (HAVA), Instituto Medico San Nicolas (ImSan), Cliëntenraad Respaldo y Algemene Ziektekosten Verzekering (AZV).Pa participa, simplemente registra na www.sikiaruba.org. Pa e participantenan cu no tin acceso na internet por pasa registra personalmente na Club Kibrahacha 60+.
