Seminario: Mayor ta pa semper, aunke no ta bou mes un dak

Durante e seminario di “Mayor ta pa semper, aunke no ta bou mes un dak” organisa pa Fundacion Pa Nos Muchanan dia 25 di mei 2019, lo tin diferente oradornan presente cual dos di nan lo ta Sra. Enid de Kort, kenda ta un Terapista di pareha y famia y Sra. Shaska Kock, un ortopedagogo, ambos trahando na Departamento di Asunto Social.

ADV

Sra de Kort lo elabora riba tur e emocionan cu un mayor ta pasa aden durante un separacion of divorcio. E lo splica, por ehempel, con pa anda cu un situacion unda tin rabia entre e mayornan y ainda mester tene cuenta pa ta un bon mayor pa e yiunan.

 

Fundacion Pa nos Muchanan ta anuncia charla " Mayor ta Pa Semper , aunke no ta bou mes un dak "

Posted by 24ora on Tuesday, May 21, 2019

Sra. de Kort tambe lo trata e parti unda un mayor ta forma un famia nobo cu un otro persona, of ta desea pa forma un famia nobo, kico ta tur e puntonan pa tene cuenta cune ora esaki pasa. E topico cu Sra. Shaska Kock lo duna ta enfoca riba e efectonan cu separacion por tin riba e muchanan tendiendo na cuenta cu nan edad y nan fase di desaroyo cu nan ta aden. Sra. Kock tambe lo papia tocante e emocionanan di e mayornan y kico esaki ta significia pa e muchanan cu tambe ta den e fase di separacion of divorcio.

Locual Sra. Kock tambe ta haya importante ta pa para keto riba e aspectonan positivo cu divorcio por tin riba e muchanan embes di solamente enfoca riba e partinan negativo.
Si e topiconan aki ta importante pabo y bo ta desea di ricibi mas informacion, tuma contacto cu Fundacion Pa Nos Muchanan pa inscribi bo mes na e seminario di “Mayor ta pa semper, aunke no ta bou mes un dak” cu ta tuma lugar riba diasabra, 25 di mei 2019 di 9:00am pa 2:00pm. Yama FPNM na 583-4247/ 588-0856 of manda un email na [email protected]

Comments

comments