Seleccion senior di tennis di mesa ta cla pa competi den Panamericano

Despues di un clasificacion historico na Cuba, nos seleccion senior den e deporte di tenis di mesa lo biaha pa Cartagena, Colombia unda nan lo competi den e Panamericano di Tennis di Mesa e dianan 10 te cu dia 17 di september. Aruba ta lo enfrenta e miho hungadornan top di North America, Sur America, Centro America y Caribe. Mester bisa cu mayoria di e hungadornan aki ta profesional y hopi halto posiciona riba e ranking mundial. Tin algun hungador di Brasil cu ta den top 25 di mundo. E seleccion di Aruba ta consisti di e  hungadornan Andy Gomes, Chengho Chung, Jean Claude Hoek y Jeandry Mathilda. Como coach lo biaha Ruddy Raga mientras e hefe di delegacion lo ta Oscar. E campeonato aki ta
wordo considera esun di mas fuerte den nos region.  Den luna di Juli, e deporte di tennis di mesa a logra nan clasificacion historico na Cuba unda pa prome biaha Aruba su seleccion ta clasifica pa e Senior Panamerican Games. Den e torneo na Cuba, Aruba a keda na di tres lugar entre e paisnan grandi Un danki sigur na Lotto, e Loteria di Aruba pa medio di Comision di Subsidio cu a subsidia e biahe di e seleccion di tennis di mesa pa e Senior Panamerican Games cu lotuma lugar na Cartagena, Colombia. Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio