E dianan 10 pa 15 di juli proximo, e seleccion hubenil masculino den e deporte di tennis di mesa lo biaha pa Republica Dominicana unda nan lo competi den e campeonato Panamericano Juvenil de Tennis de Mesa.
Mester bisa cu den e campeonato aki nos muchanan lo enfrenta e miho hungadornan den nan edad di e continente aki. E biaha aki Aruba Table Tennis Association a dicidi di scohe e atletanan Chingho Chung, Donald Yarzagaray, y Jean Claude Hoek pa representa Aruba den e Weganan Panamericano Juvenil di Tennis de Mesa na Republica Dominicana. Ta boon pa bisa aserca cu tur tres hungador tin nan experiencia na nivel internacional y lo san a duna bon bataya manera e deporte di tennis di mesa semper a haci ora nan a representa Aruba den campeonatonan den exterior.
Remarcabel ta cu den e anja 2018, e atletanan di tennis di mesa ta presentando den tremendo forma unda den luna di april e atletanan hubenil femenino U15, Mikayala Mathilda y Josielienne Boekhoudt a logra conkista medaya di brons den double den e Weganan clasificatorio Panamericano di tennis di mesa na Havana, Cuba. Tambe nos a haya e atleta Jeandry Mathilda a logra su clasificacion pa e Weganan Centro Americano y del Caribe Barranquilla 2018 cu lo inicia dentro di dos siman na Colombia mientras e hoben Chingho Chung a logra un di 5 lugar. E federacion di tennis di mesa ta trahando bon riba e bon desaroyo di su atletanan y poco poco por mira e frutonan di un trabou duro pa logra e metanan poni.
Danki na donacionnan di Lotto, E Loteria di Aruba, Stichting Sportsubsidie Aruba a yuda subsidia e biahe di e delegacion di tennis di mesa pa e Weganan Panamericano Juvenil na Republica Dominicana. Cumprando weganan di Lotto, e Loteria di Aruba bo ta contribui na deporte riba nos isla. Meta di St. Fundacion Lotto pa Deporte ta pa organisa loteria, cambia bida di su hungadonan y na mes momento inverti den deporte local pa medio di donacionnan na Stichting Sportsubsidie Aruba.
