Seleccion di gymnasia artistica di Aruba ta actualmente na Medellin, Colombia

Recientemente e seleccion di gymnasia artistica di Aruba a biaha pa Medellin, Colombia unda nan ta atendiendo un campo di entrenamento hunto cu e seleccion di Liga Antioqueña y nan coachnan. E campo di entrenamento aki a inicia dia 17 di juli y lo bay te cu dia 26 juli awor.

E atletanan Sanne van Dam, Amika Every, Jesmea Jansen, Juneidy Odor, Ashley Provence, Rebecca Spellen y Kim de Vries ta e 7 atletanan di 11 aña bai ariba a haya subsidio pa atende e campo aki. Otro miembronan di seleccion cu tambe tey ta Zara Clark, Kaika Every y Milaini Gross hunto cu miembro di pre-selecion di avanse Rianna Panneflek. Hunto cu e atletanan nos tin coach Jimmy Palma. Mester bisa cu despues di atende e campo di entrenamento aki nan lo competi pa prome biaha den historia na e Sur Americano di Niveles USAG na Bogota, Colombia.

E combinacion di e campo di entrenamento hunto cu e competencia aki ta un bon momento pa nos atletanan di gymnasia artistica aplica loke nan a sinja durante di e dos simannan di e campo na Medellin y mas cu claro amplia nan conocimento y gana un tiki mas experiencia. Un danki sigur na Lotto, e Loteria di Aruba pa medio di Comision di Subsidio cu a yuda subsidia e biahe di e shete atletanan di e seleccion di gymnasia artistica di Aruba.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.