Seis miembro di famia di Selena Quintanilla a muri hoga

Famianan di e desaparecida cantante di TexMex, Selena Quintanilla-Perez, ta na e momento aki di luto. Ya cu segun informacion di e portal di Univision, seis integrante di nan nucleo familiar a fayece hoga mey mey di e caos causa pa horcan Harvey.
Abraham Quintanilla, tata di e artista, a ricibi e noticia cu su primo segundo, di nomber Manuel Saldivar, kende na su bes, ta un veterano di e ehercito di Merca, a wordo impacta pa un gran torencial mientras cu e tabata bayendo na cas di un di su yiunan, segun e revista Ronda.
“Ora cu nan a crusa e brug, un golpi di awa a lastra e van mandando nan den un plas hunto. E conductor a salba, pero Manuel, su casa y cuatro bisanietonan a hoga. E mama di Manuel, Carolina, tabata prima di mi tata. Mi condolencia pa henter e famia,” e tata di Selena a publica riba su cuenta di Facebook.