Seguridad di Mucha den Centro di Cuido, un aspecto sumamente importante y responsabel!

Curason Contento; Happy Day Speelschool; Jardin di Infancia; Tane Joja Speelschool; Yupi Yupi Yah; Liliputters; Little Zoo Daycare; Scol di hunga un mundo yen di color; Smart Kidz Playschool; E Barco di Noah. Recientemente lidernan di e centronan aki a termina e curso di Prome Asistencia/CPR y Seguridad den centro di mucha, organisa pa Fundacion Pa Nos  Muchanan (FPNM).

Seguridad ta un aspecto sumamente importante, especialmente ora bo ta traha cu mucha. Na momento cu un mayor dicidi pa laga su yiu na un Centro di Mucha, e ta duna confíansa den e lidernan cu nan lo tene su yiu safe durante su estadia. Pa logra e
meta aki, ta importante pa e lidernan wordo ekipa cu diferente herment. Pa e motibo aki
FPNM a organisa e curso aki pa entrena y duna diferente información na e lidernan, entre otro, “Prome Asistencia y CPR” esaki tabata na encargo di ASHI (American Health and Safety Institute), “Seguridad den centro di mucha” na encargo di FPNM y Brandweer Aruba tabata encarga pa duna información tocante plan di evacuación y uso di medionan pa paga y preveni candela.

Cursistanan a haya diferente informacion y a practica Prome asistencia y CPR. Alabes a pone atencion riba aspectonan di siguridad den centro di mucha y a infatisa e importancia di tin un plan di evacuación. Na final di e curso cursistanan a traha un test pa asina por haya nan certificado y carnet. FPNM ta felicita e lidernan cu a participa, deseando nan exito den nan trabou cu mucha!