Segundo Detenido cu ta fayece den “Sentro di Detenshon i Korekshon Kòrsou”

1200

E detenido Harvey Jozef Reinita cu tabata cera den “Sentro di Detenshon i Korekshon Kòrsou” pa motibu di asesinato, a fayece awe 12 di juni 2020, mainta den prizon. Cu esaki ta bira e segundo detenido cu ta fayece den e centro aki den algun siman for di otro. E prome fayecido tabata Jonmar Hoek.

Defunto Hoek tabata malo algun siman prome y tabata roga pa hibe hospital pero segun testigonan ningun hende no a haci caso. Si no tabata pa presion cu su blok a cuminsa pone, lo no a hiba hospital tampoco. Lamentablemente e detenido aki tambe a fayece.

E personal di e Blok caminda Reinita tabata cera, despues di a constata cu e detenido aki tabata duna indicacion di ta malu, a yama e departamento medico na prizon, cu a acudi na e Blok rapidamente. Despues cu nan a examina e detenido nan a pone docter di prizon na altura, cu a indica pa laga transporta e detenido cu ambulans pa hospital.

Potret cortecia di: Vigilante

Na yegada di ambulans nan a bin constata cu e detenido a fayece. Despues cu docter a constata morto, Ministerio Publiko a tuma e morto den beslag pa haci autopsia y determina causa di fayesimento di e detenido en cuestion.

A pone famianan di e detenido na altura dor di trahado social di prizon.