Algo pasa di 10or y 15 diabierna anochi, e security patrol di Safecom a bay na un cas na Opal 135 pa controla pa wak si tur cos ta ok. A nota cu na un di e cambernan tin un holor malo ta saliendo for di e bentana. Mesora e patrol a notifica polis riba loke el a constata. No tabata sigur si ta bestia of lo tin hende morto den e cas pasobra e cas no ta habita. Mesora patruya di Noord a presenta na e sitio pa asina tuma datos di e susedido y a bay controla rond di e cas pa wak si lo tin movecion den e cas. A bay chek rond di e cas pa wak si por wak algo y un bisiña a acerca y ta conta polis cu tin dia lo tin un cria ta bin pa hasi e cas limpi. Polis a tuma contacto cu e persona encarga cu e cas y despues di un rato el a yega na e cas y despues a bay paden di e cas y bay chek un cu e otro pa sigura cu tur cos ta ok. Finalmente a resulta cu ta un bestia morto e tabata.
