Awe mainta pa mas of menos 7:30, central di polis ta haya un yamada cu 4 pa 5 persona lo a drenta y horta den e luga Sole situa riba Plaza Daniel Leo.
Ta asina cu na yegada di patruya e security lo a conta cu mas tempran 5 persona hende homber lo a acerk’e y un di nan a lanta si flanel y mustre un arma di candela y bise pa e hala for di eynan. Dos di nan a papia Papiamento y e otro tresnan a papia Spaño. Nan no tabata tin cara tapa. Nan lo a drenta den e luga y a horta basta bril di solo. Loke ta e suma exacto no ta conoci. Atraco team a presenta y tambe slachtofferhulp a presenta pa guia e security kende lo a pasa den un susto.
Pero awo a bin un buelta den e caso aki Di parti hefe di atraco team a caba di ricibi un update riba e caso di awe mainta. Investigacion a mustra cu e security en cuestion a haxi un denuncia falso di atraco/robo arma. El a bin admiti despues, door cu el a haya e porta di e negoshi habri el a spanta y gaña cu ta hende arma a intimide. E persona encuestion lo wordo persigui door di a haci denuncia falso.
