Security di Rhodana Security a asesina colega na pia di trabou

Diahuebs anochi algo pasa di 9or tabatin un caso serio di agrecion caminda un colega siguridad a agredi su otro colega dilanti Royal Plaza. Un di nan tabata trahando otro banda di caminda na Joyeria dilanti e mall.

Un lo a yama otro anto dilanti Little Switzerland, a cuminsa un discucion riba un microwave cu lo a wordo cumpra. Den proceso siguridad Ricardo A. di 48 aña a dal colega di 65 aña un mokete y mande tera.

E la dal cabes masha duro mes riba vloer y tabatin herida ta saca sanger di cabes y nanishi. Personal di Ambulance cu a yega a atende cu e victima, stabilise y mesora a pidi presencia di Polis ora a constata cu tabatin agrecion. Polis a papia cu testigo y agresor, a bay over mesora na detencion.

Polis a acumula basta informacion e momento ey. A bay cu agresor warda di Polis y diabierna maitna a drenta informacion cu e victima di 65 aña cu ta traha na Rhodana a fayece consecuencia di e golpinan fuerta cu e la haya. Recherche di Oranjestad ta atende cu e caso.

Comments

comments