E situacion a medio escala, ora cu siguridad di aeropuerto a dicidi pa yama polis pa asina core cu 24ora for di e area, door cu taxistanan a yama nos pa por cubri esaki.
Polis a bin splica nan cu e ta un tereno habri. Por ta ta tereno priva di aeropuerto, pero tin libertad di prensa y tin cu respeta esey.
Nan por papia cu prensa, pero nan no por bay core cu prensa for di eynan. Ta un tereno habri pa tur hende. Esey ta loke ta pasando.
Espacio di descanso
E area cu a wordo priminti cu lo traha pa e taxistanan por descansa, come, etc. Aparentemente minister Otmar Oduber, di tempo di AVP a bisa pa taxistanan vota p’e, cu e promesa cu e lo manda traha un espacio. Pero te awe, esaki tabata un promesa fofo. Esnan cu kier bin bende cuminda pa e taxistanan, ta wordo cori.
Riba dje kier cobra un truck mas di 20 mil florin pa nan bin para na e sitio.
Tambe na unda nan ta come, ta cerca di e bañonan, cu ta hopi ahigienico. Taxistanan ta sumamente disgusta.
Nan no ta compronde dicon tin un problema cu vendornan ta bin bende e taxistanan cuminda. Pero parce aeropuerto kier pida di e bolo. Tin por lo menos 400 taxista. Awo si tur bay p’ariba pa come, con e servicio lo ta. Ta un abuso, un di e taxistanan a expresa. Nan tin cu haci drechi y tur hende tin derecho di biba. Nos ta bibando riba un pais democratico.
E cuminda cu ta wordo bendi, ta dushi, saludabel y pagabel.
Nan ta percura pa e taxistanan hopi bon.
E promesa haci tabata den careda di 10 pa 12 aña pasa, unda cu e minister a priminti nan cushina, un espacio cu airco. Pero te awe, no tin nada.
