E siman entrante Secretario di Estado Alexandra van Huffelen ta bishitando e islanan Aruba, Corsou y Sint Maarten pa algun encuentro cu tur ciudadano, voluntario y empresario. Durante su estadia cortico na Aruba, Secretario di Estado van Huffelen ta participa na un seminario organisa pa Gobierno di Aruba y Universidad di Aruba.
E seminario aki ta hiba e titulo di ‘Hende Muhenan Fuerte’. E seminario aki ta conta cu un programa sigur hopi bon hinca den otro, na unda cu varios di nos hende muhenan fuerte cu posicionnan clave den nos comunidad, lo elabora riba diferente tema sumamamente intresante. Tambe lo tin dos panel pa debati riba diferente topico y rol di nos hende muhenan den liderazgo.
Prome Minister Evelyn Wever-Croes a enfatisa cu pa Aruba e seminario aki ta algo grandi sigur, mirando e rol asina importante cu nos hende muhenan tin aki na Aruba den ultimo tempo.
