Scol Shotokan Giosekican a pasa 44 pupilo banchi di diferente nivel

274

Sensei Gustavo Velasquez di Giosekican Shotokan cu ta afilia na Karate International Federation, situa na La Salle College tabatatin un dia di celebracion caminda 44 pupilo a pasa nan banchinan.

Segun Sensei Velasquez e color di banchi cu a pasa tbt blauw cla, geel, oranje, berde, 2 nivel di blauw scur y 3 nivel maron.

Emocionante pa tur e hobennan cu ta practica e disiplina aki, un anochi cu sigur nan no lo drumi di contento, ta locual cu Sensei Velasquez a bisa. Den e deporte di karate na momento di ricibi e faha ta un ceremonia di hopi respet for di cuminsamento te fin. Arte marcial / man bashi un disiplina masha bunita caminda defensa ta su obhetivo. Hopi biaha ta confundi e practica aki cu bringamento ofensivo mientras e meta primordial ta use como defensa.

Di otro banda, e deporte ta fungi como guia motorico den nan crecemento, na scol como tambe na bida diario. Sensei Gustavo ta conta un poco di su trayectoria personal, caminda e la cuminsa cu su 6 aña di edad, for di tempo cu La Salle college tabata di palo. Recordando e gran maestro Adolf Lichtenstein ( Korean Karate ). For di eynan a bay studia, a practica taekwondo/ wado, regresa y sigui den e deporte di Shotokan na e mes un localidad cu e la cuminsa.

Cambio di banchi den Shotokan tin un minimo di 8 luna pa keda den bo banchi of un maximo di 1 aña trayectoria bastante amplio, cu tecnica parti den 5 fase (Kata) manera kata Bunkai como tambe Ki Hong dinamico caminda mester avanza y bin bek. Combate tambe ta inclui riba 3 nivel. Kihon, point Komite, jijut point kuminte tradicional. Ultimo sensei ta evalua hunto cu dos ayudantenan na banda pa cambio di banchi.

Sensei ta remarca cu combate na e nivel halto ta algo cu hopi scol no ta aplica mas pasobra hopi ta duna preferencia na combate deportivo mientras cerca nan ta e diferencia y clave den nan exito como scol di karate pa mantene e parti tradicional adhunto cu esun deportivo. E tradicion tin cu conserv’e, for di su origen cu ta okinawa biniendo di e gran maestro di Shihan Nakoshi cu ta e tata moderno di karate, na ken ta keda tene e tradicion.