Diabierna shete di februari tabata tin un tremendo celebracion di carnaval pa e muchanan di Scol Primario Kudawecha. Muchanan a prepara cu hopi entusiasmo pa e festeho aki.
Ambiente a sali for di Brug di Madushi direccion pa scol bek.
Cada klas tabata tin un color diferente y a escohe algo dushi pa decora nan shirt cu n’e. Tur esaki pa asina keda na e tema cu a escoh’e pa e actividad, cu tabata “Cos dushi”. Muchanan a saca un creatividad inmenso riba cada shirt y a gosa masha hopi mes cu nan jump-up.
Palabra di felicitacion na tur cu a traha duro pa e evento y na e alumnonan pa nan tremendo comportacion.
