Scol a inicia den normal seis siman prome cu vakantie cuminsa

1366

Colegio Felipe B. Tromp a habri bek su portanan p’e alumnonan despues di e pandemia di COVID-19. E scol tabata cera pa 11 siman despues cu gobierno a duna e oke pa habri entre 18 mei y 1 juni. E maestronan a cuminsa cu nan preparacionnan, mester a prepara e klasnan. Tambe a traha rutanan p’e muchanan por cana.

Scol a tuma contacto cu mayornan pa duna splicacion con e normal nobo lo bay ta, segun  Selwyn Rosenstand, director di Colegio Felipe B. Tromp. A haci tur esaki den e ultimo 2 simannan. Nan tabata completamente cla pa asina por a ricibi e muchanan bek.

Scol a inicia cu den normal nobo pa seis siman prime vakantie cuminsa

Scol a inicia cu den normal nobo pa seis siman prime vakantie cuminsa. Click link pa mas https://24ora.news/2ArUj9Z

Posted by 24ora on Monday, June 1, 2020

E parti di yegada di e muchanan a bay bon, segun e director. Nan no a cuminsa cu tur mucha ainda, unda cu mita di e alumnonan a presenta riba e prome dia. E otro mita lo bay scol e di dos dia. Asina aki lo mir con e drentamento ta bay, con tur procedura ta bay, con e muchanan ta tene nan mes na e reglanan. E scol tin cu train e muchanan pa mantene na e reglanan di higiena y siguridad. Unabes esey bay bon, nan lo haci un evaluacion con lo sigui.

Rosenstand a bisa cu desde e pandemia a cuminsa, nan tabata den contacto cu e mayornan via tur sorto di medionan di comunicacion, telefon, whatsapp, email, Facebook. Na comienso esey no tabata facil, pasobra e situacion a cay di sorpresa pa tur hende. Unabes cu e comunicacionnan tabata na su luga, tur cos a bay bon. E scol ta ricibiendo bon cooperacion for di e mayornan y ta spera di conta cu nan p’e dianan cu ta bay bin.

“Tanten cu crisis no a pasa ful, nos ta den un situacion peculiar,” el a bisa. Mester di cooperacion di tur hende pa esaki por traha. Te cu vakantie grandi tin 6 siman di scol ainda y p’esey nan ta bay purba haci e lesnan di mas importante, lezen, rekenen y taal. Nan ta bay purba duna e les normal, haal in loke a keda atras y yega mas leu cu nan pa ora vakantie grandi yega pa por cera e buraco mas tanto posibel.