Un grup’i mucha a cera nan siman cu un parada di bais den e area di Bubali y Washington. E parada di bais aki tabata un manera pa cera e temporada di vakantie y prepara un pa un aña escolar nobo.
Beatriz Amiza, director di Yupi Yupi Ya, a conta cu tanto e muchanan como e mayornan a gosa di e parada aki. E importante ta cu e muchanan a gosa di e parada dedica na nan. Mas o menos 45 mucha a participa n’e parada aki.
Amiza ta conta cu a organisa esaki pa duna e muchanan mas motivacion mirando cu tin varios mucha lo cambia di scol y awo lo cuminsa kleuter, pues e lo ta un cambio pa nan rutina. Cu actividad di e tipo aki ta purba pa nan haya mas motivacion.
DESEO
Amiza ta desa tur clase di exito n’e muchanan y n’e mayornan e ta desea pa nan sigui motiva y apoya nan yiu den tur circunstancia. E tipo di actividad aki ta importante pa motibo cu asina nan mente ta ocupa.
