Sasakiweg a bira oficialmente Avenida Nelson Orlando Oduber

Ayeratardi a tuma luga inauguracion di Avenida Nelson Orlando Oduber, den presencia di parlamentario, Ministernan, invitado y pueblo en general. E ex mandatario tabata hopi emociona durante e evento aki, expresando su gratitud na e gobierno actual, consistiendo di e coalicion MEP, POR y RED.

Sigur un hecho cu tur esnan presente por a experencia, un homenahe cu nan a haci na Oduber awo cu ta na bida. Diferente persona a duna un discurso, entre otro Prome Minister mr. Evelyn Wever Croes, kende a elabora riba e trayectorio di Oduber, pero tambe vice Prome Minister, Otmar Oduber, cu a haci entrega di un plakkaat.

A inaugura Sasakiweg como Avenida Nelson Orlando Oduber ayeranochi.https://24ora.news/2P3Amx6

Posted by 24ora on Tuesday, August 20, 2019

Nelson Orlando Oduber di 71 aña di edad ta lider honorario di Partido Movimiento Electoral di Pueblo (MEP). El a integra den e partido na aña 1975. El a bira Minister Presidente pa prome biaha na aña 1989 y a keda den funcion te 1994. Na aña 2001 el a bira minister Presidente pa di dos biaha y a bolbe gana eleccion, aunke perdiendo asiento na 2005, pero a sigui goberna pa di tres termino como Prome Minister. Prome cune Henny Eman (AVP) tabata Minister Presidente y despues di dje a bira Mike Eman (AVP).  E ta casa cu Glenda Oduber-Croes y ta tata di Glenson, Danguillaume y Nelson Jr.

Avenida Nelson Orlando Oduber ta cuminsa na altura di e oficina di Guardian Group y ta sigui riba henter e ruta cu nos conoce como Sasakiweg.