Santa Rosa y DEZHI a lansa campaña di conscientisacion di siguridad di cuminda

Santa Rosa tin un campaña di conscientisacion di Food Security cu a cuminsa na 2020. E campaña aki ta un colaboracion entre Santa Rosa y Departamento di Asuntonan Economico (DEZHI), unda despues di Covid-19 nan a ripara cu hopi interes a cuminsa crece pa cuminsa planta bek specialmente di e personanan cu tabata na cas pa produci nan propio cuminda.

Nathalie Maduro, director di Santa Rosa, a splica cu nan por a mira di tabatin cierto limitacion y esey a haci cu e oportunidad a bin dilanti pa por haya fondo di Union Europeo, y asina ey por a bin c’un plan. A haci e plan ey via DEZHI y na 2021 Santa Rosa a haya un rapport concreto di kico tur ta posibilidad cu por ta crea na Aruba. Tambe cu no solamente por aporta na siguridad di cuminda, pero alabes tin e oportunidad di crea oportunidad di negoshi.

E dia mundial di tera pa Santa Rosa ta mustra cu hunto e departamentonan por traha hunto y bin cu no solamente mensahe, pero bin cu proyecto cu a largo plaso Aruba lo tin beneficio di dje. Sigur aworaki cu por mira prijs di cuminda ta subiendo, e ta importante pa tur traha hunto. Segun Maduro, nan ta contento cu por conta cu e sosten di minister Ursell Arends.

Santa Rosa cu campaña riba siguridad di cuminda y posibilidad economico

Posted by 24ora on Friday, April 22, 2022

Zulema Dabian di DEZHI a informa di tabata contento pa tabata presente den e lansamento dje campaña, specialmente pa motibo cu DEZHI y Santa Rosa ta cooperando hopi di cerca pa hopi aña. Nan ta trahando riba e programa di agripreneur (agriempresario). Esaki ta un proyecto recien cu nan ta trahando riba dje hunto. Esaki ta e implementacion dje plan di accion di e rapport di World Bank.

El a sigui informa pa esunnan cu ta interesa, nan tin e rapport di World Bank riba e website di DEZHI cu ta www.dezhi.aw. Idea di rapport aki a cuminsa den pandemia ora hopi tabata sinti e insiguridad si tabatin suficiente cuminda den supermercado. Mirando cu DEZHI ya caba tabata den un proyecto hunto cu Union Europeo pa por aloca fondo pa tema como resilency, nan a dicidi hunto cu Gobierno di Aruba y Santa Rosa pa aloca fondo p’un rapport riba siguridad di cuminda cu ta traha di World Bank. E proyecto tabata lidera pa un local, Randall de Kort. E ta un experto cu a yuda e expertonan di World Bank.

Minister di agricultura, Ursell Arends, a indica cu awe tabata un dia hopi special pasobra tabata Dia di Tera y tabata un honor pa lansa e campaña. E mandatario a gradici Maduro y Dabian p’e proyecto y pa lidera esaki. Pa loke ta trata e ministerio di naturalesa di cual agricultura, cria y pesca ta forma parti di esaki. Segun e mandatario, nan ta mira esaki como un posibilidad economico cu tin oportunidad grandi pa Aruba.Pa mas lesa TREMPAN.COM.