Santa Rosa un biaha mas aportando na instancianan hunto cu Aruba Doet

Un gustumber cu pa varios aña caba desde inicio di Aruba Doet nos di Departamento di Agricultura, Cria y Pesca Santa Rosa ta duna su aporte na e bunita gesto aki. Esaki semper nos ta hasi cu placer di por asisti den un of otro manera.

E diferente instancia nos ta referi entre otro Scol of fundacionnan.

Na momento cu e fecha di Aruba Doet ta asercando e diferente instancianan aki na nan turno ta aserca Santa Rosa den mayoria caso pa solicitud di matanan matanan di fruta, Herbal of local pa nan por embeyece nan hardin. Nos ta papiando aki di Fundacion Hospice Atardi, Museo Historico Aruba, Sint Dominicus College y Prinsess Amalia Basis School.

E  fundacion Hospice Atardi situa na Noord Curacabay cu ta prome cu nos a bishita di cual nan peticion tabata mata y gordura pa nan por plantanan hunto cu e voluntarionan di Aruba Doet riba diasabra ultimo. Esaki sigur a bai den un ambiente super dushi caminda nan a planta e matanan riba nan tereno y sigur tabata masha contento cu Santa Rosa a pasa un rato pa asina observa con tur cos tabata bayendo cu plantamento di e matanan.

Na Museo Historico Aruba tambe nos di Santa Rosa a aporta cu mata y tambe gordura y mescos ta conta pa esnan di Prinsess Amalia Basis School. Na e scolnan aki cu ayudo di e bolutarionan di Aruba Doet tur mata a wordo planta y nos di Santa Rosa a pasa pa mira con e proseso tabata andando di cual tur  cos a bai sigun indica y planifica.

Na Sint Dominicus School nos aporte tabata gordura y simiya. Esakinan a wordo planta den bakinan cu nan tin. Pronto e scol aki mes lo tin algun berdura y fruta cu nan mes planta.

Di parti di Santa Rosa un apelacion pa cuida e matanan bon y percura nan wordo muha y asina nan keda bon y berde bunita.