Awendia ta hopi criado di bestia no solamente ta sigui mantene tradicion den cria di Cabrito y Carne of Porco pero tambe awor tin interes den cria di Baca.
For di algun aña Departamento di Agricultura, Cria y Pesca Santa Rosa a haci un studio riba e tipo di Bacanan aki di rasa Jersey. Nan ta rasanan di Baca cu ta mas pa nos clima di Aruba cu ta calor y cayente. Nan ta adapta na e clima sin ningun problema. Nan ta tipo di rasa cu ta mas pa produccion di lechi en bes di carni. Den carni nan no ta asina popular pero toch asina mes e ta bon pa consumo.
Na tur esnan cu ta interesa den compra di un di e Bacanan aki por pasa libremente y personalmente na Santa Rosa pa asina mira e Bacanan aki y kisas scoge esun cu bo ta interesa pa sigui cu criansa di Baca. E granduranan ta mas un adulto caba y por wordo cumpra y cria sin problema.
Un apelacion na tur esnan cu ta bin pa cumpra Baca corda cu ta haci esaki parti mainta trempan cu ta mas fresco. No ta haci e benta parti merdia ora solo ta cayente. Esaki por ta sofocante pa e bestia y por tin consecuencia p’e.
Cura mester ta limpi prome cu pone den e cura. Percura pabo tin un bon trailer pa por transporte y e yega su destinacion sin ningun problema. Corda tambe percura pa tin un bon cura pa por pone aden y mester di hopi awa pa e bebe na momento cu finalisa cu e transporte. Tene bon cuenta cu tur e rekisitonan aki pa garantisa un bon cuido pa e Baca.
Por tuma contacto cu oficina di Santa Rosa na telefoon 585-8102 pa mas informacion encuanto benta di Baca rasa Jersey.
