Recientemente Departamento di Agricultura, Cria y Pesa Santa Rosa a haya invitacion di Hyatt Aruba pa participa den nan actividad organisa pa su empleadonan. Esaki tabata dos dia di Wellness & Wellbeing Fair caminda diferente instancia, compania y personanan particular a haya invitaion pa participa.
Cada un mester a presenta nan producto p’asina enfoca riba e parti di salud. Entre otro tabata presente Instituto Medico San Nicolas (IMSAN), Manrique Capriles, Nature’s Discount , CC Bath & Body Aruba.
Awendia hopi ta e companianan aki cu ta percura pa bienestar di nan empleadonan pa hiba un bida mas saludabel posibel. Sigur si mira e diferente orarionan di trabou cu tin entre e empleadonan aki di Hyatt Aruba. Kisas hopi di nan empleadonan no tin e oportunidad di bishita un di e compania/instancianan aki pa haci un of otro diligencia y ta invita nan bini hunto pa haci esaki mas facil pa nan empleadonan.
Di parti Santa Rosa nan ta percura pa conscientisa nan di planta nan mesun berdura pa nan propio uzo den cushina y sigur esaki ta mas saludabel. Tambe a duna nan algun conseho pa uza den cushina. Papiando aki di matanan manera Oregano, Yerb’i Hole, Malohi y Toronhil. Esaki ta matanan herbal cu no por falta na cas.
Nos matanan di fruta cu tin beneficio pa salud di e ser humano tambe tabata den nos lista. Awendia hopi matanan di fruta ta combati of preveni cierto enfermedadnan cronico. Frutanan cu a haya e nomber di “Super Fruit” manera e Sorsaca. Entre otro nos matanan Tamarijn, Granatapel, Seida y Scopapel tambe ta hopi popular.
Sta Rosa ta gradici e team completo di Hyatt Aruba pa extende un invitacion y permiti Santa Rosa forma parti di nan Wellness & Wellbeing pa nan empleadonan cu sigur tabata dos dia exitoso.
Riba e combinacion di potret por aprecia Santa Rosa su bunita setup haci pa Ludwig Rasmijn y Randy Maduro kendenan a percura tambe pa e diferente informacionnan durante e presentacion.
