Diasabra 7 di Maart 2020 pa 7 or di mainta tin misa na kapel di Alto Vista. Pastoor Huancho Peralta hunto cu coordinadornan ta invita tur fielnan pa celebra Santa Misa y gana indulgencia plenaria. Prome ta resa Santo Rosario cuminsa pa 6.30.
Riba diasabra ta resa Misterio Gososo, na final ta resa Salve Regina. Nos ta resa pa necesidad di Iglesia Universal, pa Papa Francisco, Obispo Luis Secco y tur sacerdote. Pa nos Gobernantenan y tur cu ta carga responsabilidad pa nos pais Aruba. Pa tur nos defuntonan stima cu a bay nos dilanti. Awor cu ta den tempo di Cuaresma ta nos deber como fiel catolico pa tene nos mes na yuna y abstinencia. Ta tempo di Penetencia, tempo di confesa.
Tur nos picanan pa haya absolution. Den Catisashi di Iglesia Catolica 1456: Pa Confecion ta bay serca un sacerdote, ta un parti importante di sacramento di Penetencia. Ta prepara bo mes, cada un ta samina su consenshi cu e dies mandamentonan. Ta hacie cu duele, Dios tende nos suplica, nos a comete pica conta Bo y humanidad. Tene misericordia cu nos, cu loke cu nos a haci of bisa cu a ofende otro. Señor a sufri asina hopi pa nos faltanan. Tene misericordia cu nos, den Bo bondad Bo a pordona tur cu a falta respet Bo y pa cu otro. Cu poder di Dios, cada un pidi desculpa , cu e speransa firme cu ta Dios ta pordona. Diasabra 7 di maart na Cas Curason di Maria (Blue Army) ta resa Santo Rosario pa 6.15 di mainta, despues ta sigi un Santo Eucaristia pa 7 or den kapel mes cu ta keda den Cas Curason di Maria.
