Sanger di un pashent recupera di COVID-19 a yuda otro pashent

4432

Segun un publicacion Ingles, sanger saca di victimanan di coronavirus a yuda pashent kita di ventilator den apenas dos dia.

Den un test haci, 10 pashent basta malo a logra recupera despues di ricibo anticuerpo for di personanan cu exitosamente a lucha contra di e virus di COVID-19.

Un di e pashentnan di coronavirus a logra kita di ventilator dos dia despues di a ricibi plasma di sanger di un otro persona kende a recupera di e virus, den un logra cataloga como “remarcabel” door di cientificonan.

E prome testnan buscando pa descubri si anticuerpo di personanan cu a lucha den forma exitoso contra coronavirus por yuda otronan den e mesun situacion, a mustra cu 10 pashent basta malo a logra un recuperacion rapido.

E tratamento, conoci como terapia di plasma convalesciente, a wordo uza na 1918 durante e pandemia di Griep Spaño prome cu vacuna y antiviralnan tabata disponibel.

E ta depende di e hecho cu sanger di e hendenan cu a recupera ta contene anticuerponan poderoso entrena pa bringa e virus.

Actualmente no tin tratamento pa coronavirus, y vacuna probablemente lo ta disponibel te cu final di aña.

Esaki a keda publica den Telegraph di Inglatera.