Siman pasa tin Venezolano a wordo laga den libertad, pa asina nan por haci loke nan tin cu haci, cu e condicion cu nan tin cu meld na Guarda nos Costa.

Yonaiker Sanchez, ta un Venezolano cu ta preocupa cu e situacion aki y a vocifera den varios ocasion riba esaki.

Venezolanonan ta meld na Warda Nos Costa

Posted by 24ora on Friday, April 5, 2019

Na prome luga el a menciona cu e cuestion aki no ta trata di un migrante so, sino ta trata di un cuestion humanitario. E situacion cu e Venezolanonan ta bibando aden den nan pais, ta dificil. Nan san a cu Aruba ta un pais chikito.

Pero na e manera con e Venezolanonan ta ricibi na Guarda nos Costa, no ta un trato humanitario. Sanchez a yega di saca un documento di convencion di Geneve, un protocol cu ta papia di derechonan humano.

Di berdad, nan keho ta cu e Cuerpo di Guarda nos Costa, no ta respeta e derechonan humano di e Venezolanonan. Tin hopi organismo internacional cu di berdad a studia e caso y e migracion masivo, pa prome biaha den nan historia ta pasando na Venezuela y Aruba tin cu tuma e caso aki cu seriedad, cu responsabilidad, semper cu por papia cu nan y busca un solucion pa e situacion cu ta bibando aden.

Nan no por mantene e personanan aki deteni na Guarda nos Costa. Hende ta bisa cu ta trata di ilegal of cu ta criminal. Eyden no tin hende criminal, segun Sanchez. Ta trata aki di mama y tata di famia cu tin cu busca con pa sostene nan pa culpa di e situacion cu Venezuela ta bibando aden. Un pais cu a dura mas di 100 dia sin coriente y cu awo ta bibando un di su pio crisisnan humanitario den nan situacion.

Segun Sanchez tin respaldo den convenionnan di derechonan humano cu OEA. Nan a studia e situacion, nan ta compronde cu cua Venezolano ta saliendo for di Venezuela. Aki e gobierno ta pensa cu nan ta migrantenan economico. Esey no ta asina, segun Sanchez. Tin persona cu ta sali for di Venezuela, pasobra nan ta buscando con pa salba nan bida y proteha nan mes di grupo social cu ta sostene e gobierno di Venezuela.

A lucha 18 aña un lucha hopi grandi, pa asina sali bay caya, keha cu Maduro. Pero e cos no ta pasa. Maduro semper ta responde cu armamento, cu bala y tin mas opcion cu sali.

E situacion cu e Venezolanonan ta bibando aden ta dificil. Sanchez kier pa pone den consideracion e noticia cu sali y cu tur responsabilidad el a sak’e di e caso di Nestor Ramirez, un persona cu gobierno di Aruba a deporta pa Venezuela y despues di dos siman nan a mat’e na Venezuela. No ta cuestion pa bay pone e gobierno responsabel.

Encuento cu e frontera ta cera, nan no por manda hende ni pa Colombia, ni via Panama, ni via Merca, ni via ningun otro pais, pasobra esey ta viola tur convencion internacional.

Segun Sanchez, nan ta preocupa pa e trato y e uzo di uniform cu cierto funcionarionan di Guarda nos Costa pa abusa den maltrato. Manera cu Trudy Hassel a bisa cu Guarda nos Costa no tin nada di haber cu solicitud di asilo, Sanchez ta kere cu ta lo contrario. Guarda nos Costa ta detene hendenan migrante y nan mester sa mescos cu minister di Husticia riba derechonan humano y convencion internacional.

Ta pidi pueblo pa pone man na curason y wak e situacion cu e hendenan ta bibando cera na Guarda nos Costa y ta yama e hendenan pa criminal. Ta busca un tiki di tolerancia.

E tema di solicitud di asilo y pa e convencion, un persona cu su solicitud a wordo nenga, tin e derecho di apela su solicitud. Nan tin e derecho pa pidi un refugio, nan tin e derecho di un abogado liber. E estado ta loke ta detene nan y nan no tin e derecho hudicial. Ta pidi ministerio publico pa bin cu un investigacion riba e asunto aki, pasobra el a bay hopi leu. Ta pidi pa ministerio publico pa interveni cu su influencia y investiga mas cu tur e cuestion di Dakota. Kier wak con e luga ta paden. Pafo e ta un manera cu no ta habilita pa detene hende. Ta pidi minister di husticia pa no hinca Venezolanonan mas eyden. Tin manera pa soluciona e problema aki y ta pidi comunidad di Aruba pa por compronde. Un grupo di Venezolano ta dispuesto pa traha riba e situacion aki, duna opinion, idea. Pero ya ta cuestion ta gobierno di Aruba pa sinta cu nan y busca e solucion, kico por beneficia ambos parti.

Comments

comments