E asunto di helicopter ta hole mas y mas stinki cada dia. Tur compania den exterior cu bin traha na Aruba mester tin un Tax ID Number y mester ta inscribi na Aruba y DIMP cu ta Departamento di Impuesto. Ta haciendo investigacion riba henter e proceso pasobra for di prome momento caba a cuestiona cu e haci e destaho nulo. A haci nulo despues cu net e compania SADI tabata tin e oferta di mas halto den e destaho. Diripente e minister a core busca helicopter pasobra e kiermen ta urgente pa e problema na Venezuela. E helicopter te awe no a yuda pa frena ningun entrada illegal di esnan for di Venezuela.
Mester investiga si e compania SADI ta inscribi na DIMP. Un banda gobierno kier dune un trato como compania local. Un compania cu ta dunando servicio na Husticia cu ta un area importante. E compania aki parce no ta inscribi na Aruba. Nos kier sa ki tipo di investigacion a wordo haci cu e compania aki. Den pasado esnan cu a bin traha den refineria mester a pasa den yen di screening etc prome cu nan a haya ok pa por drenta.
Kier sa con e compania SADI ta registra of inscribi na Aruba y si e tin TAX ID Number na DIMP.
Ora ta traha na Aruba bo mester ta inscribi pa asina paga impuesto. Ta bon pa sa cual instancia a handle esaki sin importa unda bo a traha. Bo ta dunando servicio na un hala hudicial importante di nos pais. Esey kiermen cu bo mester cumpli cu nos leynan entre otro esun fiscal.
Nos tin pa colmo un minister di Transporte y Comunicacion cu ta biaha tur caminda. E mester para na Aruba y atende su trabou via Aviacion Civil. E minister y DCA ta laga nan bula na Aruba y bula via nos aeropuerto aparentemente sin cu ta registra na Aruba. DCA mester controla e helicopter di SADI y haci screening mescos cu ta haci cu tur e companianan di exterior y local cu tin interes di bula na Aruba. Un screening duro mescos cu e ta conta pa e companianan internacional y local. Parce e screening ta conta pa cierto compania si y otronan no. Es mas aparentemente e compania no ta inscribi y esey nifica cu e no ta paga belasting. Mayan cu algo pasa e compania ta lanta bela bay y ningun hende por haci nada.
Ta confirma cu e minister Chris Romero ta hiba gobernacion den shelo pasobra nunca e no tey y ta laga e compania SADI haci negoshi sin Tax ID Number y bula pa Husticia. Un compania cu ta haci negoshi na Aruba y no ta registra ta problema so e por haya cu Departamento dI Impuesto. Keda pendiente pasobra nos tin mas detaye di e contrato dudoso di e compania SADI y gobierno. Parce cu tin abogadonan conoci a cuminsa laba man di e cos aki. Keda pendiente pa documentonan cu a cay den nos box.
