Awe trahadonan di Housekeeping SABA ta celebrando e siman di Housekeeping. Director di SABA, Remo Kock, na aperura di e Siman di Housekeeping, a splica cu awe a habri e siman di Housekeeping na SABA. E ta algo cu a cuminsa na Merca y tin di haber cu ta duna aprecio na Housekeeping.
Tur aña ta celebra esaki den e di dos siman di september, entre 9 y 12. Full e siman ta celebra cu actividadnan na tur tres cas di SABA.
Dicon e ta importante
Kock a splica cu e ta hopi importante, pasobra si bo no tin e departamentonan cu ta sostene e zorg, bo no por duna e servicio na e clientenan manera mester ta. Si bo no tin e pañanan cu ta wordo laba, bo no tin e cushina cu ta yudabo prepara e cuminda y duna e hendenan cuminda. Si bo no tin mantencion di tecniconan cu ta percura pa tur cos cu ta electronico, tur cos cu ta riba e propiedadnan keda na ordo, bo no por duna e servicio manera mester ta.
Mensahe
Por ultimo Kock a indica pa sigui haci e trabao manera e ta wordo haci, pasobra sin nan no por haci e trabao y cuida nos grandinan manera mester ta.
