S.E.P.P.A.: Trahadonan di Parke Nacional Arikok no ta di acuerdo cu medidanan di gerencia

650

E trahadonan di Parke Nacional Arikok no ta contento cu e situacion cu nan ta den dje. Esaki a pone cu sindicato S.E.P.P.A. a reuni cu nan y gerencia di Parke Nacional Arikok. Despues di e entrada di COVID-19, gerencia a manda e trahadonan cas.

E sindicato ta discutiendo cu nan riba diferente tema, manera e dianan di vakantie cu a kita for di nan di aña pasa y algun di e aña aki, ATV, time back y hopi mas medida. E sindicato a pidi un reunion cu e gerencia pa asina purba yega na un acuerdo, pero esey no a pasa.

SEPPA a reuni cu FPNA

Posted by 24ora on Friday, July 3, 2020

Awo e trahadonan a cuminsa eherce nan trabou bek, pero kier tuma e medidanan aki y p’esey a sinta cu otro e biaha aki. Magaly Brito di S.E.P.P.A. a bisa cu Parke a papia riba e entrega di trahadonan, pero pa falta di localnan cu no ta drenta, falta di turista, nan entrada a baha drasticamente. Pa nan esey ta hustifica e medidanan aki y cu esaki ta hopi mas di loke Gobierno a tuma rond COVID-19.

S.E.P.P.A. a haya un proposicion for di gerencia y a sinta cu e trahadonan riba esaki, kendenan a rechasa tur.  Ta trata di un arbeidstijdverkorting di 20% di nan salario, tambe a propone cu no lo paga e reparatie premie y gelijk bedrag pa tanto augustus y september. Y lo acerca esnan cu ta den servicio di Parke cu a yega e edad di pension pa un eventual pakete. Gerencia a indica cu tin trahado ta riba AO pa un tempo largo y lo acerca nan pa purba yega na un areglo. S.E.P.P.A. ta recorda e trahadonan cu tur esaki ta keda na nan si ta acepta of no y si ta acerca e sindicato pa por sigui yuda nan.

A discuti mas tanto riba e arbeidstijdverkorting cu ta nifica medida di 20% den salario di e trahadonan, pero tambe elimina reparatie premie y gelijk bedrag. E sindicato a rechasa tur esakinan, y a bisa nan cu na mei a acerca nan pa mira con pa atende cu medidanan di gobierno. E tempo ey gerencia a informa tanto S.E.P.P.A. como trahadonan cu no lo acepta e 5% ey y no lo ehecuta 50% den salario di vakantie uitkering, pero lo mira e situacion di Parke. E trahadonan a bisa di ta acuerdo cu e medida di 5% cu gobierno a bin cu ne y premies di augustus y september bay na 50%. Te ey nan ta dispuesto pa yega.